നടനെന്നതിനൊപ്പം തന്നെ രാഷ്ട്രീയ നേതാവുമാണ് തെലുങ്ക് സൂപ്പര്‍ സ്റ്റാര്‍ പവന്‍ കല്യാണ്‍. ഇപ്പോഴിതാ തന്റെ രാഷ്ട്രീയ പാര്‍ട്ടിയായ ജനസേനയുടെ സമ്മേളനത്തില്‍ നടത്തിയ ഒരു പ്രസംഗത്തിനിടെ വിമര്‍ശകര്‍ക്കെതിരെ പൊട്ടിത്തെറിച്ചിരിക്കുകയാണ് നടന്‍. മൂന്നുവിവാഹം ചെയ്‌തെന്നും സാമ്പത്തിക വെട്ടിപ്പ് നടത്തിയെന്നും ആരോപിക്കുന്നവര്‍ക്ക് അദ്ദേഹം മറുപടി നല്‍കി.
'ഞാന്‍ എന്റെ ആദ്യ ഭാര്യയെ വിവാഹമോചനം ചെയ്യുകയും 5 കോടി രൂപ ജീവനാംശം നല്‍കുകയും ചെയ്തു,' തന്റെ രണ്ടാം ഭാര്യയായ രേണു ദേശായിയെ വിവാഹമോചനം ചെയ്തതിന് ശേഷം തന്റെ സ്വത്ത് / ആസ്തികളില്‍ അവര്‍ക്ക് അധികാരം നല്‍കി. ഒരു സ്ത്രീയെ വിവാഹം കഴിച്ചിട്ട് ഒന്നിലധികം സ്ത്രീകളുമായി ബന്ധം പുലര്‍ത്തുന്നതില്‍ യാതൊരു മടിയുമില്ലാത്തവര്‍ തന്നെ വ്യക്തിപരമായി ലക്ഷ്യമിടരുതെന്ന് പവന്‍ പറഞ്ഞു.
പ്രസംഗത്തിനിടെ രോഷാകുലനായ അദ്ദേഹം തന്റെ ചെരിപ്പൂരി കയ്യിലെടുക്കുകയും ഇനി എതിരാളികള്‍ പരിധി ലംഘിച്ചാല്‍ ചെരിപ്പ് കൊണ്ട് അടിക്കുമെന്ന് മുന്നറിയിപ്പ് നല്‍കുകയും ചെയ്തു. '
സാമ്പത്തിക വെട്ടിപ്പ് ആരോപണത്തിലും നടന്‍ വ്യക്തത വരുത്തി. തന്റെ അവസാന ആറ് സിനിമകളില്‍ നിന്ന് 100120 കോടി രൂപ വരുമാനം നേടിയതായി വെളിപ്പെടുത്തി. ആ സിനിമകളില്‍ നിന്നുള്ള വരുമാനത്തില്‍ 37 കോടിയിലധികം രൂപ ആദായനികുതി അടച്ചതായും അദ്ദേഹം പറഞ്ഞു. മാത്രമല്ല അത് കൂടാതെ ഞാന്‍ ജിഎസ്ടിയും അടച്ചിട്ടുണ്ട്,' അദ്ദേഹം കൂട്ടിച്ചേര്‍ത്തു.
Facebook
Twitter
